光怪陸離

香港果然係一個安居樂業嘅好地方。嚮呢度 ---

泥頭車司機會自稱茅山術士, 然後你又真係信同佢做愛可以轉運, 仲要做足九次。你送老人痴呆的老母去安老院, 諗住你同佢都可以有餐安樂茶飯, 但原來佢已經俾人質佢食過幾次屎。阿仔同你上深圳睇眼你以為佢好乖, 但係點知佢係想賴低你嚮上面, 然後順手撻埋你果五千蚊。你住左幾廿年果幢唐樓會突然間冧左, 啲人死晒。睇番先知原來業主已經收咗七個修葺令, 不過未得閒理之嘛。

景鴻移民條靚妹話齋: 艾粒康鋼!