2011 新年願望之一

1.
希望盡快有得做 CCU/正式上臺做 coro/有番個正正經經嘅 CCU grand round (註: 唔好問我點解 train 左半年 cardiac, 呢三樣嘢要係新年願望, 而唔係已經做到唔想做。千祈唔好問, 千祈唔好。)

2.
希望即使以上全部落空, 仍然未有失去對心臟科的熱誠
做一個有火的 Cardiologist
(聲效: 洪洪洪洪洪~)

3.
以自強不息, 生吞各份實務指引 (Practise guidelines) 以及地標性研究 (Landmark studies)。
務求年中考試順利過關。
阿門。

4.
的起心肝執枱
(註: 已經差不多一整年沒有看見過我家書房的枱面了。好想她啊。)
然後祈求在完成第三項願望之後書枱不會打回原形

10+10+10 = 囍

感恩一班兄弟勞苦功高，出心出力出錢出車出汗出到出熱痱 (17號仲有排你地受呀)
感恩一班姊妹幫我照顧老婆，仲唔記得收開門利是添
感恩天公做美，落兩滴雨就收手
感恩鍾屋村鄉親父老們的捧場，三十二圍盆菜座無虛席
感恩一眾阿姨舅父/堂兄姐/大伯娘的厚禮，我出年有可能交得到稅了
感恩外父外母大人連日做苦力，將殺校已久的僑所小學 (老婆母校) 清潔番新




感恩媽咪老豆細佬的貼心，體諒，完場番到屋企仲有神秘驚喜
還要感恩，老婆妳肯嫁俾我

我愛你。




大家 17 號記得早D到喇!

光怪陸離

香港果然係一個安居樂業嘅好地方。嚮呢度 ---

泥頭車司機會自稱茅山術士, 然後你又真係信同佢做愛可以轉運, 仲要做足九次。你送老人痴呆的老母去安老院, 諗住你同佢都可以有餐安樂茶飯, 但原來佢已經俾人質佢食過幾次屎。阿仔同你上深圳睇眼你以為佢好乖, 但係點知佢係想賴低你嚮上面, 然後順手撻埋你果五千蚊。你住左幾廿年果幢唐樓會突然間冧左, 啲人死晒。睇番先知原來業主已經收咗七個修葺令, 不過未得閒理之嘛。

景鴻移民條靚妹話齋: 艾粒康鋼!