多事之秋

之一

在毫無心理准備的情況之下,實習生涯的安排突然揭盅。唔得佢死。

這兩天來教授們對大夥兒的嘉勉鼓勵提點安撫警告恐嚇內容暫且按下不表。且說當日分配結果公佈了以後﹐全班沸沸騰騰﹐我坐著忐忐忑忑﹕頭兩水都 medicine 都算如我所願啦。丫﹐你又比個 PW 同 QM 我﹐話差又唔算太差0既都﹐但係兩間都 UMU 囉。你話如果捱左成年騾仔﹐你因為我冇 Ding 而唔請我﹐你都咪話唔灰。喂大佬呀﹐medical 班友仔係興淨係 IN 自己 D 吼時抿加麻陰功~~~ UMU 我 OK wor 都﹐但係咪應該試下 D peripheral 呢都 ...... (下省五萬字)

如是者兩天以來﹐輾轉反側﹐折騰不斷。

煩惱乃係因為此舉足以影響事業前途 (氣﹗你邊次煩唔係0甘講假~ )
煩惱乃係因為發現成績突然變得重要 (超﹗煩咩丫煩﹐抵你格﹐0甘鬼懶)
煩惱乃係因為可以選擇 (蟹﹗冇得揀你又煩0既姐......)

無論如何﹐多番思量過後﹐如無意外﹐我還是會選擇按兵不動。話說回頭﹐面對未來一年的勞役﹐就如Peter Lee 所說﹐the main thing is to keep the main thing the main thing。

在 LT4 時我想﹐“就算點辛苦﹐面對病人時﹐都要好似亞媽嚮側跟望住我做野0甘﹐唔可以 Let her down。”
現在我想﹐假想母親大人在旁督促或許還是不夠的。
她的位置不應該是我的旁邊﹐而是在病床上。

Cure sometimes. Care always.

---與未來一年的自己共勉之




之二

最近拜讀一本土文化人合著的小書﹐名為《香港式的思考認知盲點》。圖文並茂﹐值得推薦。當中梁文道還是一樣的火辣嗆喉﹐沈旭輝則繼續在他的北韓和土庫曼斯坦之間﹐一葉知秋﹐綜論天下。
喜見的新發現﹐反而是穿插全書的插畫。詭異的漫畫式插圖﹐碳筆和木顏色構成有著很重的香港的氣味的圖像。裡面的人物表情如死屍冷漠﹐畫面卻又潑辣有力地吶喊著主題。插畫師是一位名為梁志林的年輕人﹐年輕怪人。
稱他怪人﹐原因有二﹕
其一﹐且看他在書中自我介紹﹕“雙木化工喪扮人 ...... 從事多方位創作﹐想作深入了解可觀其網頁。最後想多謝 Paco﹐呀唔係﹐應該係多謝 meta-global﹐我 ... 真係 ... 好 ... 鍾意畫畫 ... 嫁”
其二﹐這斯竟然改了個洋名喚作 “Cupid Leung”。
夠膽死。


(相機屍骨未寒﹐圖片暫時欠奉)

之三

一夜高歌﹐回來看見金色的禮物袋﹐還是會會心微笑。雖然﹐何時我會鼓起勇氣﹐試用裡面香噴噴的禮物還是未知之數。還是謝謝妳﹐親愛的。